+7 (777) 001 44 99
ПОДЕЛИТЬСЯ
Тоқтар Серіковтің анасы Маруся Назарбекқызы қайтыс болды, - деп хабарлайды Tengrinews.kz тілшісі.
Тоқтар Серіковтің анасы Маруся Назарбекқызы қайтыс болды, - деп хабарлайды Tengrinews.kz тілшісі.
Қаралы хабарды әншінің досы Сәкен Майғазиев Instagram-парақшасындағы жазбасында естіртті.
"Тоқтар досым, Алла анамыздың алдынан жарылқасын. Сіздердей алтын асықтай ұлдар, инабатты қыздар тәрбиелеген аяулы анымызға Фирдаус жәннат нәсіп болғай. Исі қазақ қайғыңа ортақ. Бекем бол, Тоқабай", - деп жазды әнші.
Ләйлә Сұлтанқызы, Ғаділбек Жаңай, Бейбіт Кушкалиев, Гүлнұр Оразымбетова сынды әнші-журналистер де көңіл айтты.
Посмотреть эту публикацию в Instagram
Тоқтар Серіковтің жары Бейбіт Сейдуалиева отбасында болған қайғылы оқиғаны Instagram-да бір қара суретпен көрсетті.
Посмотреть эту публикацию в Instagram
Желі қолданушылары әншінің анасына көңіл айтып, сабыр тілеп жатыр.
Посмотреть эту публикацию в Instagram
Айта кетейік, Тоқтар Серіковтің туған бауыры Жайық Серіков Алматы қаласы ТЖД Өрт сөндіру және авариялық құтқару қызметі ММ бастығының орынбасары. Азаматтық қорғау органдарында 19 жылдан астам қызмет атқарып келеді. Жайық Серіковтің ұжымы қазаға қайғырып, көңіл айтады.
Тоқтар мен Жайық Серіковтер анасымен
"Алматы қаласы Төтенше жағдайлар департаментінің ұжымы азаматтық қорғау подполковнигі Серіков Жайық Қадырұлына және туған туыстарына қайғырып көңіл айтады. Сіздердің отбасыларыңыз үшін бүгін аса ауыр күн. Себебі, өмірдегі ең қымбат жан анаңыз өмірден өтті. 11 баланы дүниеге әкеліп, батыр ана атанған жанның жаны жәннатта болсын демекпіз. Оның артынан ерген балалары мен немерелеріне амандық тілейміз", - дейді Серіковтің ұжымындағылар.
Жайық Серіков анасымен
Тоқтар Серіков - қазақтың сүйікті әншілерінің бірі. Мемлекеттік "Дарын" сыйлығының лауреаты, ҚР Еңбек сіңірген қайраткері. Әншінің ата-анасы өмір бойы мал баққан шопан болған. Бұл туралы ол "Талантым-тағдырым" бағдарламасында айтады. Тоқтардың анасы он бір құрсақ көтерген. Марқұм әкесі өнерге жақын кісі болған. Жас кезінде тойларда асаба болып, домбыра тартқан деседі.
