Реклама +7(700) 388 81 09
  1. Главная
  2. Узнай
  3. Новости
  4. Новости мира

"Оныншы сыныптан бері жоспарлаған". Пермьдегі жантүршігерлік атыс қалай болды? 21 сентября 2021, 12:46

Кеше, 20 қыркүйекте Ресейдің Пермь қаласында жантүршігерлік оқиға болды: 18 жастағы студент жігіт оқу орнында атыс шығарып, бірнеше адам қаза
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
Новостью поделились: человек
  • Нашли ошибку?

Фото: Baza / 112 Фото: Baza / 112

Кеше, 20 қыркүйекте Ресейдің Пермь қаласында жантүршігерлік оқиға болды: 18 жастағы студент жігіт оқу орнында атыс шығарып, бірнеше адам қаза тапты. Зардап шеккендер де бар. Студенттің мұндай әрекетке баруына не түрткі болғаны белгісіз. Таныстары, оны көрген адамдар мен ата-анасының айтуынша, ол өзімен өзі жүрген, сабырлы, тыныш бала болған. Бір белгілісі: ол бұл әрекетін оныншы сыныптан бері жоспарлаған екен. Университетте болған қайғылы оқиға туралы не белгілі? Бұл туралы Tengrinews.kz тілшісі материалында. 

Оқиға қалай басталды? 

20 қыркүйекте сағат 13.00 шамасында әлеуметтік желіде адамшошырлық видео тарады: Ресейдегі оқу орындарының бірінде атыс шығып, есі шыққан студенттер ғимарат терезесінен секіре бастаған. Артынша оқиға Пермь мемлекеттік ұлттық зерттеу университетінде болғаны анықталды. Алдын ала мәлімет бойынша, студенттердің жартысы мен мұғалімдер ғимараттан қашып үлгерген. Қалғаны аудиторияларда жасырынып отырды. 59.RU мәліметінше, көп ұзамай университеттің баспасөз қызметі желіде тараған ақпаратты растады. Студент травматикалық қарумен сағат 11.00 шамасында атыс шығарған. 

Желіде тараған видео кадры

Ол заңды түрде сатып алған 12 калибрлі Huglu тегіс ұңғылы мылтығымен университеттің сегізінші корпусына кіріп, атыс шығарған. Кемінде 30 рет атқан. Бастапқыда қаруланған студент көшеде атыс шығарған. Артынша куәгерлер жақын маңда жол апатын тіркеп тұрған жол-патрульдік қызметкері Константин Калининді шақырған. Ол атыс шығарған студентке қару қолданып, оны тоқтатқан. 

Бастапқыда атыс салдарынан сегіз адам қаза болғаны хабарланған. Алайда федерал апаттар медицинасы орталығының жедел мәліметтері бойынша, университетте болған оқиға кезінде алты адам мерт болған, тағы жиырма төрт адам зардап шеккен, оларға медициналық көмек көрсетілді. 

Посмотреть эту публикацию в Instagram

Публикация от TengriTV (@tengritv)

59.ru басылымы қаза тапқандардың тізімін жариялады. Оның ішінде, 43 жылдық тәжірибесі бар эндоскопист дәрігер Маргарита Энгаус бар. Әйел адам алты ай бұрын ауруханадан зейнетке шыққан. БАҚ мәліметінше, дәрігер университетке немересімен бірге қыдырып келген. Атқыштың қолынан 18-26 жас аралығындағы адамдар қаза тапқан. 

Студент Тимур Бекмансұровтың қолынан қаза болғандар:

  1. Энгаус Маргарита Геннадиевна - 66 жаста;
  2. Арамелев Ярослав Алексеевич -19 жаста;
  3. Самченко Ксения Павловна - 18 жаста;
  4. Шакирова Екатерина Родомировна - 19 жаста;
  5. Айгельдина Анна Александровна - 26 жаста;
  6. Мохова Александра Юрьевна - 20 жаста.

Атқыш туралы не белгілі? 

Университетте атыс шығарған Тимур Бекмансұров 18 жаста. РИА Новости мәліметінше, сол университеттің бірінші курсында "Сот сараптамасы" мамандығы бойынша оқып жүрген. Ақылы бөлімге түскен. Студенттердің айтуынша, олар Тимурды сирек көретін, сабаққа көп келмейтін, тіпті бірінші курс студенттеріне арналған шараларға да бармаған.     

Оның әкесі RT басылымына берген сұхбатында ұлы тек компьютерге қызыққанын, Пермьде анасымен тұрғанын айтқан. 

Фото: Baza телеграм-арнасы

"Мен әлі өз-өзіме келе алмай, таңғалып отырмын. Не істеді ол... Басында анам хабарласып, "осылай да осылай" деп түсіндірді. Есеңгіреп қалдым. Сосын бұрынғы әйеліме хабарластым, ол сол кезде полицияда отырған екен. Ол да не айтарын білмей таңғалып отыр", - дейді әкесі.  

Ер адам баласы бос уақытында немен айналысқанын да білмейтінін айтады. Оның сөзінше, ұлы үнемі компьютер алдында отыратын. 

Ал анасы Mash телеграм-арнасына берген сұхбатында бұған дейін ұлының мінезінен ешқандай оғаш қылық байқамағанын айтады. Соңғы рет ұлын 20 қыркүйекте көрген, олар әдеттегідей қал-жағдай сұрасып, артынша анасы жұмысқа кеткен. 

"Бұған дейін баламмен дауласатындай жағдай болған емес. Баламмен қарым-қатынасымыз жақсы болатын. Үйде көп отыратын, тыныш, сабырлы бала, ешқайда шықпайтын, жаман нәрсе істеген емес. Сирек қыдыратын, көбіне үйде отыратын", - деді Наталья Бекмансұрова.  

Әкесі олардан бөлек тұрған. Бірақ ұлымен жиі хабарласып тұрған. 

Пермь қаласының Олег есімді (есімі өтініші бойынша өзгертілген) тұрғыны Тимурдың отбасының жағдайы жақсы болғанын, үйінде жалғыз бала болғанын айтады. 

"Анасы бас есепші болып жұмыс істейді. Тыныш, сабырлы бала болатын. Бұған дейін күдіктенетіндей ештеңе болмаған", - деді тұрғын РИА Новостиге берген сұхбатында.

Бекмансұров қаладағы № 60 мектепте оқыған. Сыныптастары да оның тыныш, әңгімеге жоқ екенін айтқан. 

"Өзімен өзі жүретін. Жалпы оған жақсы қарайтынбыз, ешкім оны ренжіткен емес", - дейді Антон есімді тұрғын.

Агенттік мәліметінше, Тимур оқиға болардан бір сағат бұрын әлеуметтік желідегі парақшасында оныншы сыныптан бері қылмыс жасауды жоспарлағанын, ал қару сатып алу үшін ақша жинағанын жазған. Артынша атқыштың парақшасы бұғатталған. 

Сейсенбі, 21 қыркүйекте Пермьде аза тұту күні жарияланды. Губернатор Дмитрий Махониннің тапсырмасымен қаза тапқандардың отбасына бір миллион рубль, ал зардап шеккендерге 500 мың рубль өтемақы беріледі. 

Кеше Мемлекет басшысы Қасым-Жомарт Тоқаев Ресей Федерациясының Президенті Владимир Путинге Перьмдегі ЖОО-да болған қанды оқиғадан адамдардың қаза болуына байланысты көңіл айтқан.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Подпишись на почтовую рассылку Tengrinews.kz. Получай все самое главное за неделю каждую пятницу на свой адрес.


Join Telegram