+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Бүгін 7 арнадағы "Өз ойым" бағдарламасында "Мұғалім мәртебесі неге төмен?" тақырыбы талқыланды, - деп хабарлайды Tengrinews.kz тілшісі.
Бүгін 7 арнадағы "Өз ойым" бағдарламасында "Мұғалім мәртебесі неге төмен?" тақырыбы талқыланды, - деп хабарлайды Tengrinews.kz тілшісі.
Тарих пәнінің мұғалімі Қайрат Қарабалаұлы ұстаздың істейтін жұмысымен алатын ақшасы сай еместігін айтады. Оның айтуынша, 120 мың теңге еңбекақы алады, сондай-ақ 1 жыл бойы жасаған ғылыми жұмысы үшін 10 мың теңге қаражат алған.
"Көңілім толмайды, бірінші, ол оқу жүктемесі көп, бірақ оған еңбекақы сай емес. Екіншіден, мұғалімнің оқушының да ата-ана алдында беделі өте төмен. Одан кейін еңбекақы төленбейтін қоғамдық жұмыстар көп. Бір жыл бұрын Астана қаласының әкімі болған Әсет Исекешев мырзаның бір жақсылығын айта кету керек. Ол кісі мұғалімдердің үй аралап, балаларды тізімге алу жұмыстарын тоқтатты. Бұрындары мұғалімдер әр үйді аралап, 18 жасқа толмаған балалардың тізімін жасайтын. Жылына екі рет аралайтынбыз қыркүйек айында және қаңтар айында туған нәрестелерді тіркейтінбіз. Әсет Өрентайұлы бізді осы жұмыстан құтқарды", - дейді Қайрат Қарабалаұлы.
Сонымен қатар, ол мұғалімдердің қоғам алдында беделін көтеру үшін не істеу керектігін айтты.
"Енді мұғалімдердің қоғамдағы беделін көтеру үшін, заң арқылы қорғау керек шығар. Одан кейін еңбек ақысын көтеру керек. Өйткені 1990-2000 жылдары, білесіздер, еңбекақы 2000-3000 теңгенің аралығында болды. Қоғамға мұғалімнің еңбекақысын көтеретін болса, кез келген адамның қызығушылығы артады. Сосын дәрежесі көтеріледі. Қазір кез келген адам мұғалім бола алады", - дейді Қайрат Қарабалаұлы.
"Құрмет" орденімен марапатталған ардагер ұстаз Төлеубике Мыңжасаров қазіргі білім саласындағы стандарттарды өзгерту туралы ой тастады.
БҒМ Мектепке дейінгі және орта білім департаментінің жетекшісі Бағымкүл Көптілеуова тікелей эфир барысында көрермендер қойған сауалдарға жауап берді. Сондай-ақ, тікелей эфир аясында арнайы білім беретін мектептер мен орта білім беретін мектептер сөз болды.
"Қазіргі қолданыстағы білім туралы ҚР заңында әрбір білім беру ұйымының басшысы өз мектебіне кадрларды іріктеуде дербес болады. Яғни кімді алу, алмау туралы өзі шешім шығарады. Конкурстық не әңгімелесу арқылы болсын, бұл бұрыннан қолданыстағы заңда бар. Қазіргі таңда Елбасының тапсырмасына сәйкес педагог мәртебесі туралы арнайы заң жобасы әзірленіп жатыр. Ол заң осы педагогтың ерекше рөліне мән беріп жатыр. Яғни оның мәртебесін арттыру мақсатында әзірленіп жатқан шара", - дейді Бағымкүл Көптілеуова.
Айта кетейік, "Өз ойым" бағдарламасы 27 маусымнан жаңа санын бастады. Бағдарламаның ең басты жаңалығы ток-шоу дүйсенбі-жұма аралығында көрсетілетін болды. Түрлі әлеуметтік тақырыптарды қозғайтын бұл ток-шоу әлі талай қызықтарға толы.
