"Ауруын тұмау деп ойлап, құдалыққа барған". Маман коронавирустың қалай тарағаны туралы

Рахила Тлеуова
Рахила Тлеуова Корреспондент
viewings icon comments icon

ПОДЕЛИТЬСЯ

whatsapp button telegram button facebook button
Көрнекі сурет: Тұрар Қазанғапов Көрнекі сурет: Тұрар Қазанғапов

ҚР жетекші инфекционист дәрігері Динагүл Баешова қазақстандықтардың COVID-19 инфекциясын қалай жұқтырғаны туралы айтты, деп хабарлайды Tengrinews.kz тілшісі.

whatsapp button telegram button facebook button
Иконка комментария блок соц сети

ҚР жетекші инфекционист дәрігері Динагүл Баешова қазақстандықтардың COVID-19 инфекциясын қалай жұқтырғаны туралы айтты, деп хабарлайды Tengrinews.kz тілшісі.

ҚР жетекші инфекционист дәрігері Динагүл Баешова маман ретінде еліміздегі коронавирус жағдайына қатысты пікір білдірді.

"Қандай нәрсе болса да, салыстырмалы түрде қараймыз. Мына жағымызда Қытай бар, мына жағымызда Ресей бар... Басқа елдерге қарағанда көрсеткіштеріміз әлдеқайда жаман емес деп айтуға болады. Бұл іске Үкіметтен бастап атсалысты. Бір адамдай болып халық та жұмылып атсалысты. Үкімет алдын ала шараларды қолдады. Бір-екі күн алға кетіп қалғанның арқасында бұл вирустың тізгінін ұстап қалдық. Дәрігерлер, Денсаулық сақтау министрлігі бұл вирусты тұсаулап, ұстай алдық. Сондықтан қазіргі күнге дейін осы шарамен келе жатыр", - деді ол ДСМ медиаорталығында өткен онлайн-брифингте.

Маманның айтуынша, Шығыс Азия елдері коронавирустың штамдарына (түрлеріне - авт.) үйреніп қалған. Сондықтан вирус пандемиясы туралы айтылса, бұл аймақтың тұрғындары оқшаулануды, маска тағуды "айтқызбай орындайды". Ал Қазақстанда мұндай вирус алғаш рет кездесіп отыр. Сондықтан қазақстандықтар бұл вируспен күресуді енді үйреніп жатыр.

"Біздің ел дәл осындай аурумен бірінші рет кездесіп отыр. Неге десеңіз. Бұл коронавирус деген топ қой. Бұл топтың ішіне бірнеше штамдар кіреді. Мысалы, Оңтүстік Корея, Сингапур, Қытай болсын мұның 2002 жылғы, 2012 жылғы SARS, MERS деген штамдарынан өте көп адам қайтыс болды. Бұл кісілер әбден үйреніп алған. Пандемия басталды дегенде тез оқшауланып, далаға шықпай, маскаларын тағып соған кірісе кетті. Біздің халық та осындай шараларды қолдана білді. Басталмай тұрып, ақпарат тарады. Халық естіді, білді. Енді бәрі жаппай емес, бірақ көбі қолдана білді. Қазір маска тағып жүр, бір-біріне аса жақындай қоймайды. Үйлерінде де қолдарын жуып жатқан шығар деп ойлаймын. Халықтың көзқарасы дұрыс болғандықтан ауру көрсеткіші аз, қайтыс болған адамдардың саны басқа елдерге қарағанда төмендеу", - деді Баешева.

Сонымен қатар, маман қайтыс болғандардың арасында ауруын тұмау деп жүріп құдалыққа барғанын және басқаларға жаппай жұқтырғанын атап өтті.

"Әрине, ондай болмаса тіпті жақсы болар еді. Бірақ, өкінішке қарай, кей адам бұны өтірікке шығарып, сенбей жүріп қалды. Өзіңіз білесіз, алдында қайтыс болған азаматтар тойға барып біраз жүріп қалды. Тұмау тиіп жүр деп құдалыққа барып, талай адамға жұқтырып, бір-екі апта өтіп кеткеннен кейін ауруханаға түсіп, қайтыс болып кеткендер де бар. Ауру ол кісілерге өтіп кетті, өтіп кеткеннен бөлек, жұрттың бәріне жайылып кетті. Қазір де мұндай жағдайлар бар. Сосын шетелден келгендер бар. Біреуі туыстарына жұқтыратынын біліп, оқшауланып, алдын ала айтып, бөлек бөлмеге жатып, шықпай аман-есен қалды. Ал басқалары, мысалы Қызылордада Мәскеуден келген азамат үйіне қонақ шақырып бәріне жұқтырған", - деді маман.

Спикердің айтуынша, қазір бір-бірін ұзақ көрмей сағынып, құшағына алып жатқандар бар. Бірақ мұны жасаудың керегі жоқ. Сақтықты ұмытпау керек.

Еске салайық, соңғы мәліметтерге сәйкес елімізде 5 571 адам коронавирус жұқтырды. 2 408 адам жазылды, 32 адам қайтыс болды.

Қазақстан жаңалықтары. Соңғы жаңалықтар. Telegram желісінде бізге жазыл! 

Tengrinews
Читайте также
Join Telegram Последние новости
Лого TengriNews мобильная Лого TengriLife мобильная Лого TengriSport мобильная Лого TengriAuto мобильная Иконка меню мобильная
Иконка закрытия мобильного меню
Открыть TengriNews Открыть TengriLife Открыть TengriSport Открыть TengriAuto Открыть TengriTravel Открыть TengriEdu Открыть TengriGuide

Курс валют

 524.37  course up  610.36  course up  6.7  course down

 

Погода

location-current
Алматы
А
Алматы 27
Астана 16
Актау 33
Актобе 22
Атырау 29
Б
Балхаш 22
Ж
Жезказган 16
К
Караганда 16
Кокшетау 16
Костанай 26
Кызылорда 15
П
Павлодар 15
Петропавловск 15
С
Семей 24
Т
Талдыкорган 28
Тараз 27
Туркестан 21
У
Уральск 14
Усть-Каменогорск 26
Ш
Шымкент 24

 

Редакция Реклама
Социальные сети
Иконка Instagram footer Иконка Telegram footer Иконка Vkontakte footer Иконка Facebook footer Иконка Twitter footer Иконка Youtube footer Иконка TikTok footer Иконка WhatsApp footer