Маман коронавирус жұқтырғандарды вакцина қаншалықты қорғайтынын айтты 30 июня 2021, 11:13
Коронавирус жұқтырып, аурудан жазылған адамға вакцина салуға бола ма? Бұл сұраққа Қазақстан профилактикалық медицина академиясының президенті Алмаз Шарман жауап берді, - деп хабарлайды Tengrinews.kz тілшісі.
Алмаз Шарманның айтуынша, адам ағзасы үшін антиденелер ешқашан көп болмайды.
"Қазір әлемде вакцинаның шамамен 3 миллиард дозасы салынған. Олардың арасында коронавирус жұқтырып, жазылғандар аз емес. Ауырып шыққандарға вакцина салынса, иммунитет 50 есеге дейін күшейеді, яғни, қорғаныс күші артады. Бір сөзбен айтқанда, нағыз қорғалғандар - ауырып жазылған соң, вакцина салдырғандар", - деді Шарман.
Сонымен қатар, Алмаз Шарманның айтуынша, соңғы зерттеулерге сәйкес, "дельта" штамы антиденелерге қарамастан жұғып жатыр.
"Сондықтан, ауырып, жазылып, антиденелер ағзада болса да, вакцина салдыруға кеңес беремін", - деді маман.