"Мерейлі отбасы" лауреаттары 5 миллион теңгенің сертификаттарын алады

Сымбат Сатыбалдина Журналист

Аида Балаева, ақпарат және қоғамдық даму министрі. © Жетінші арна сюжеті

Биыл "Мерейлі отбасы" байқауының лауреаттары 5 миллион теңгелік сертификаттарға ие болады, - деп хабарлайды Tengrinews.kz тілшісі "Жетінші арнадағы" "Оян, Qazaqstan!" бағдарламасына сілтеме жасап.

Биыл "Мерейлі отбасы" байқауының лауреаттары 5 миллион теңгелік сертификаттарға ие болады, - деп хабарлайды Tengrinews.kz тілшісі "Жетінші арнадағы" "Оян, Qazaqstan!" бағдарламасына сілтеме жасап.

Бұл туралы ақпарат және қоғамдық даму министрі Аида Балаева мәлімдеді. Марапаттау рәсімі бүгін Нұр-Сұлтан қаласында өткізіледі.

Жыл сайын дәстүрлі түрде өткізілетін конкурсқа биыл 3000-ға жуық отбасы өтінім білдірген. Сондай-ақ, бұл жылдың тағы бір ерекшелігі - әр өңірден 1 отбасы жеңімпаз деп танылады.

Посмотреть эту публикацию в Instagram

Публикация от OYAN, QAZAQSTAN! (@oqazaqstan)

Демек, 17 өңірден 17 отбасының шаңырағында бүгін үлкен қуаныш болады деген сөз. "Мерейлі отбасы" ұлттық байқауының ұйымдастыру комитетінің төрайымы Аида Ғалымқызының сөзінше, биылдан бастап конкурсқа қатысуға лайық деп саналатын отбасыларды еңбек ұжымдары, әкімдіктер, үкіметтік емес ұйымдар ұсына алады. Бұл да ендігі жылы сайысқа түсушілер санының артатына кепілдік бола алады.