"Оптимистік сценариймен келе жатырмыз". Цой үкіметте эпиджағдайды баяндады 03 августа 2021, 09:19
Денсаулық сақтау министрі Алексей Цой үкімет отырысында эпиджағдайды баяндады, - деп хабарлайды Tengrinews.kz тілшісі.
Цойдың айтуынша, ел ауруханаларындағы төсек-орын 56 пайызға толып тұр.
"Эпидахуалды бақылау матрицасына сәйкес, Қазақстан Республикасы 26 маусымнан бері "қызыл" аймақта. Түркістан облысынан басқа өңірлер "қызыл" аймақта. 3 тамыздағы жағдай бойынша, ауруханалардағы төсек-орынның 56 пайызға толып тұр. (...) "Қызыл-қоңыр" аймақта төрт өңір тұр: Алматы, Шымкент қалалары мен Атырау, Қарағанды облыстары", - деді Цой Үкімет отырысында.
Министрдің сөзінше, Қазақстан бұған дейін жасалған болжам бойынша оптимистік сценариймен келе жатқанын атап өтті.
"Тамыз-қыркүйекке эпидахуалға болжам жасауға сәйкес, біз оптимистік сценарий бойынша келе жатырмыз. Оптимистік сценарийдің алдағы дамуы карантин режимін сақтап, вакцинация қарқынын көбейтумен байланысты болады", - деді министр.
Еске салайық, 3 тамыздағы жағдай бойынша, коронавирус жұқтырғандар саны 595 433-ке жетті. Оның ішінде, 489 135 адам аурудан айықса, 6 153 адам қайтыс болған. Екпе салу бойынша: Қазақстанда I компонентпен 5 480 094 адам, II компонентпен 3 941 941 вакцина салдырды.