+7 (777) 001 44 99
ПОДЕЛИТЬСЯ
ҚР МСМ туризм индустриясы комитетінің төрағасы Дастан Рыспеков коронавирус пандемиясы кезінде Қазақстан туризміне қанша шығын келгенін айтты, - деп хабарлайды Tengrinews.kz тілшісі.
ҚР МСМ туризм индустриясы комитетінің төрағасы Дастан Рыспеков коронавирус пандемиясы кезінде Қазақстан туризміне қанша шығын келгенін айтты, - деп хабарлайды Tengrinews.kz тілшісі.
Оның айтуынша, коронавирус инфекциясына байланысты енгізілген шектеулер салдарынан бизнеске айтарлықтай шығын келген.
"Біздің есебіміз бойынша осы жылы бизнеске келген шығынның мөлшері 70-80 пайыз. Мысалы, ұлттық банктің мәліметінше, туризмдегі қызметтерді экспорттау көлемі 2019 жылы 2,5 миллиард доллар болса, осы жылы бұл көрсеткіш 600 миллион доллар болады", - деді ол орталық коммуникациялар қызметінде өткен баспасөз мәслихатында.
Сондай-ақ, Дастан Рыспеков туристік компаниялардың шығынына тоқталды.
"Туристік фирмалардың орналастыру қызметіне жеке тоқталайын. Олар көрсеткен қызмет түрлері 2019 жылы 300 миллиард теңге болса, осы жылдың соңына қарай біз бұл көрсеткіш 60-80 миллиард теңге шамасында болады деп болжам жасап отырмыз", - дейді комитет төрағасы.
Айта кетейік, осыған дейін туризм индустриясы комитетінің төрағасы қазақстандық туристер демалыс орындарына қалай бара алатын түсіндірген болатын.
Еске салайық, бүгін денсаулық сақтау министрі 3 тамыздан бастап қандай нысандар жұмыс істейтінін айтқан еді.
Сондай-ақ, премьер-министрі Асқар Мамин елдегі эпидемиологиялық жағдай тұрақталғанын мәлімдеген болатын.
Қазақстанда коронавирус жұқтырғандар саны 84 648-ге жетті. 54 404 науқас жазылды, 610 адам көз жұмды.
Қазақстан жаңалықтары. Соңғы жаңалықтар. Telegram желісінде бізге жазыл!
