"Желтоқсан желі" әнінің сөзін жазған ақын Әбдірахман Асылбеков өмірден өтті

19 Қазан 2018, 10:01
14
"Желтоқсан желі" әнінің сөзін жазған ақын Әбдірахман Асылбеков өмірден өтті - Әбдірахман Асылбеков
Әбдірахман Асылбеков

"Желтоқсан желі" әнінің сөзін жазған ақын Әбдірахман Асылбеков өмірден өтті, - деп хабарлайды Tengrinews.kz тілшісі.

Бұл туралы Instagram желісінде музыкант Ринат Гайсин естіртті. "Бүгін ақын Абдрахман Асылбеков ағамыз дүниеден өтті. Алла алдынан жарылқасын", - деп жазды музыкант.

Ертең, 20 қазанда сағат 10.00-де Қазақстан Жазушылар одағында марқұммен қоштасу рәсімі өтеді.

Әбдірахман Асылбеков - 1938 жылдың 1 мамырында Жамбыл облысы Талас ауданы Үшарал ауылында дүниеге келген. 

1955 жылы "Бейбітшілік бақшасы", "Жауды аяған жаралы" сияқты тырнақалды шығармалары басылған. Балаларға арналған алғашқы өлеңдер жинағы 1961 жылы жарық көрген. Содан бергі уақытта 31 жыр кітабын шығарды. Лирика, ән мәтіндерін жазып, сатира және аударма жанрларымен де айналысқан. Көптеген байқаудың жеңімпазы, жүлдегер. Ақын әуені Желтоқсан көтерілісінің екінші күні жазылған "Желтоқсан желі" әнінің өлеңін жазған. Ән авторы - Әбиірбек Тінәлі. Сонымен қатар, ақын үйлену тойларының символына айналған "Жар-жар" әнінің сөзін жазған.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікірлерді көру (14)
Читают
Обсуждают
Сегодня
Неделя
Месяц