+7 (777) 001 44 99
ПОДЕЛИТЬСЯ
Мемлекет басшысы Қасым-Жомарт Тоқаевтың "Егемен Қазақстан" газетінде Елбасы Нұрсұлтан Назарбаев туралы мақаласы жарияланды, деп хабарлайды Tengrinews.kz тілшісі.
Мемлекет басшысы Қасым-Жомарт Тоқаевтың "Егемен Қазақстан" газетінде Елбасы Нұрсұлтан Назарбаев туралы мақаласы жарияланды, деп хабарлайды Tengrinews.kz тілшісі.
Президент биылғы алғашқы жартыжылдық барлық әлем елдері секілді Қазақстанға да оңай тимегенін атап өтті.
"Жаһанды әбігерге салған пандемия бізді де айналып өтпеді. Бұл сын-қатерлер халқымызды біріктіре түсті. Нұрсұлтан Назарбаевтың "Біз тәуелсіздікті сәт сайын қорғауымыз керек!" деген қанатты сөзі бар. Жер шарының тұрғындарына қауіп төндірген қатерлі дерттен азаматтарымызды қорғау - тәуелсіздігімізді де қорғау деп білемін", - деді ол.
Мен Елбасынан көп нәрсе үйрендім, өмірлік өнеге алдым - Тоқаев
Сондай-ақ Мемлекет басшысы індетпен күресте Елбасы жетекшілік ететін Nur Otan партиясының жалпыхалықтық "Біз біргеміз" акциясын атап өтті.
"Індетпен күрес шаралары әлі жалғасады. Елбасы осы сындарлы кезеңде де елімен етене екенін білдіріп, өзі жетекшілік ететін Nur Otan партиясының жалпыхалықтық "Біз біргеміз!" акциясын жариялады. Үндеу тастап, үнемі бір-бірімізге қолдау көрсетуге шақырды. Күллі ел Елбасының ізгілікке шақыруын қабыл алып, күрделі кезеңде береке-бірліктің үлгісін көрсетуде. Бұл игі бастама Нұрсұлтан Әбішұлының халықты мемлекеттік мүддеге жұмылдырушы тұлға екенін тағы да айқын танытты", - деді ол.
Қасым-Жомарт Тоқаев індеттің ел экономикасына әсер еткенін атап, әлеуметтік қолдаумен бірге халықты еңбекке тартудың маңызы зор екенін жеткізді.
"Елдегі әлеуметтік ахуалды оңалту - біздің негізгі міндетіміз. Әлеуметтік қолдаумен бірге халықты еңбекке тартудың маңызы зор. Сондықтан жаңа жұмыс орындарын құруға күш салатын боламыз. Қазақстанның білімі мен ғылымын дамытуға ден қоямыз. Бұл - ел экономикасы мен келешегі жолындағы нақты қадам. Болашақта қазақстандықтардың адами әлеуеті жоғары болуы қажет", - деді Президент.
Еске салайық, 2020 жылғы 19 наурызда Елбасы Нұрсұлтан Назарбаев отставкаға кетті. Ол келесі сайлау мерзіміне дейін өкілеттігін Сенат төрағасына тапсырып, Қасым-Жомарт Тоқаев былтыр 20 наурызда Қазақстан Президенті міндетіне кірісті. Сөйтіп, 12 маусымда сауландан кейін Нұр-Сұлтанда Қазақстан Президенті Қасым-Жомарт Тоқаевты ұлықтау рәсімі өтті.
Айта кетейік, Қазақстанда өткен тәулікте 1509 адам коронавирус індетін жұқтырғаны белгілі болды. Оның ішінде 981 адам клиникалық белгілері жоқ тасымалдаушы тіркелді. Жалпы ел бойынша коронавирус жұқтырғандар саны - 42 574. Сондай-ақ 13 845 адам аурудан айықты. 188 науқас қайтыс болды.
Қазақстан жаңалықтары. Соңғы жаңалықтар. Telegram желісінде бізге жазыл!
