+7 (777) 001 44 99
ПОДЕЛИТЬСЯ
Нұр-Сұлтанда коронавирус жұқтырғандардың саны артып, шаһардағы эпидемиологиялық ахуал нашарлады. Бұл туралы қалалық қоғамдық денсаулық сақтау басқармасының басшысы Сәуле Қисықова айтты, деп хабарлайды Tengrinews.kz тілшісі.
Нұр-Сұлтанда коронавирус жұқтырғандардың саны артып, шаһардағы эпидемиологиялық ахуал нашарлады. Бұл туралы қалалық қоғамдық денсаулық сақтау басқармасының басшысы Сәуле Қисықова айтты, деп хабарлайды Tengrinews.kz тілшісі.
Оның айтуынша, елордада коронавирус инфекциясын жұқтырудың 2 951 дерегі тіркелді.
"Қазіргі уақытта елордада эпидемиологиялық ахуал нашарлады. Инфекция жұқтырушылардың саны өсіп жатыр. Дәрігерлерге, медбикелерге және коронавирус инфекциясымен жұмыс істейтін барлық басқа қызметкерге үлкен міндет жүктелді", - деді ол орталық коммуникациялар қызметінде өткен баспасөз мәслихатында.
Сәуле Қисықова 3 айдан бері дәрігерлер күшейтілген режимде жұмыс істеп жатқанын атап өтті.
"Соңғы 3 күнде орта есеппен 150-ден астам коронавирус инфекциясы жұқтыру дерегі тіркеліп жатыр. Олардың 50 пайызы індеттің белгілері жоқ түрімен ауыратындар. Өткен тәулік ішінде жедел жәрдем қызметін шақыру саны 3500-ден 3700-ге жетті. 2 000-нан астам қоңырау соғылды. Тек қана соңғы тәулік ішінде коронавирус инфекциясы бойынша қоңырау соғушылардың саны 427-ге жетті. Яғни қоңырау саны 8-ге өсті", - деді басшы.
Айта кетейік, елордада коронавирус жұқтырған 2008 науқас дертінен айықты, 15 адам қайтыс болды.
Қазақстанда індет жұқтырғандар саны 15 552-ге жетті. 2 647 адам аурудан жазылды, 88 науқас көз жұмды.
